गजल

प्रेम दिवस पर प्रस्तुत अछि एकटा गजल . . , ,अहाँ सब संग ओकरा लेल जेकर कृपा सँ आइ हम किछ लिख लै छी . , . ,

जे किछ कहब हँसि क' कहू ,
प्रेमक जाल मे फँसि क' कहू ,

भिज जाउ सिनेहक वर्षा मे ,
दिलक झिल मे धँसि क' कहू ,

खसा दिअ आइ बिजुरी अहाँ ,
रूपक चानन घसि क' कहू ,

प्रेम केलौँ कोनो पाप त' नै ने ,
लग आबि क' हुलसि क' कहू ,

जमाना जुल्मी किछ नै करतै ,
डरू नै बाँहि मे कसि क' कहू ,

अन्हरिया कते दिन रहतै ,
देखू भोर भेलै हँसि क' कहू ,

बना लेब दुलहिन अप्पन ,
" अमित " कने खखसि क' कहू . . . । ।

अमित मिश्र