बाल कविता-4
सपना
राति अन्हरिया तरेगण चमकैत
मन्द-मन्द शीतल पवन बहैत
छतपर खूब औंघी लागैत छल
मीठ-मीठ सपना आबैत छल
दूर गगनमे छल रेल चलैत
ग्रह-उपग्रह सब खेल करैत
शानि ,मंगलकेँ पटकैत छल
मीठ-मीठ सपना आबैत छल
सुन्दर सजल केबार खुजैत
सोनाक फूल आ घर लागैत
परी सब उड़ि-उड़ि नाचैत छल
मीठ-मीठ सपना आबैत छल
पुष्पक विमानपर हम उड़ैत
चोकलेट खाइत विदेश घुमैत
ओतै रहै लेल मोन कहैत छल
मीठ - मिठ सपना आबैत छल
अमित मिश्र
कोई टिप्पणी नहीं:
एक टिप्पणी भेजें