प्रिय पाहुन, नव अंशु मे अपनेक हार्दिक स्वागत अछि ।

रविवार, 27 अक्तूबर 2013

बम विस्फोट

बम विस्फोट

रसे रसे खदकि रहल अछि
सब ठाम पाकि रहल अछि
देख लिअ, मंद वेगसँ
सीझ रहल अछि
आहत भेल भावना
धरतीक सब कोनसँ
उठि रहल अछि धधरा
आ करेजक बीचमे
भरल जा रहल अछि
असली बारूदक बोरा
बनि रहल अछि
अरबो मानव बम
एहि स्थितिक जन्मदाता
ध्वस्त करऽ चहैत छथि
रोकि देबऽ चाहैत छथि
मानवक बढ़ैत डेगकेँ
मुदा ओकरा बूझल नै छै
चोट खाएल साँप
बेसी खतरनाक होइ छै
आब ओ दिन दूर नै
जखन अरबो जनताक
करेजमे प्लान्ट कएल बम
शोषणक आगिमे पजरि उठत
आ ओ भयंकर विस्फोट
परमाणुओक विस्फोटकेँ
मिझरा लेत अपन बाँहिमे

अमित मिश्र

कोई टिप्पणी नहीं:

एक टिप्पणी भेजें