प्रिय पाहुन, नव अंशु मे अपनेक हार्दिक स्वागत अछि ।

शुक्रवार, 27 मई 2016

वॉर्नबीटा पिया दे गै

बाल गीत/कविता-244
वॉर्नबीटा पिया दे

डुबा डुबा क' दूधमे रोटी खुआ दे गै
हमहूँ वॉडी बनेबौ वॉर्नबीटा पिया दे गै

खोलें टीभी रामदेव बाबाक योगा सिखबौ हम
क क प्राणायाम मैयो तागत अपन बढ़ेबौ हम
सेव समतोला अंगूर बेदाना मँगा दे गै
हमहूँ वॉडी बनेबौ वॉर्नबीटा पिया दे गै

भोरे भोरे दौड़ लगा क' कूदा-फानी करबौ हम
जेबौ रोजे जीम मैयो वॉडी स्वस्थ बनेबौ हम
करबौ हमहूँ डायटिंग सैलेड बना दे गै
हमहूँ वॉडी बनेबौ वॉर्नबीटा पिया दे गै

फिटनेस रहतौ तखने ने आर्मी पुलिस बनबौ हम
देशक रक्षा करिते करिते रक्षा तोरो करबौ हम
भगा देबौ दुश्मनकेँ निशाना सिखा दे गै
हमहूँ वॉडी बनेबौ वॉर्नबीटा पिया दे गै

अमित मिश्र

कोई टिप्पणी नहीं:

एक टिप्पणी भेजें