सुरूजक लालिमा पसरि गेल छै
पुरबैया आकासमे
जिनगीक लाली तकि रहल छी
बैसल हम प्रवासमे
जीयब एक कला थिकै
सब नै जीब सकैए
मारि गारि अपमान सहि सब
नै साँसक घूँट पीबैए
♡♡♡61♡♡♡
पूनम चान मलिछाह लगैए
मन हो जेना उदास
कोनो राहु फेर घोंटलकै
प्रेमक अनूप प्रकाश
♡♡♡♡♡♡
ओहि मनुखक भविष्य की हेतै
की हेतै ओकर अतीत
जकरा लग कहियो नै पहुँचल
साहित्य आ संगीत
∆∆∆∆∆
हम आखर संग खेल करै छी
आखरमे जीबै छी
मिठगर हो वा माहुर सन हो
आखर घोरि पिबै छी
∆∆∆∆∆∆∆
हम साहित्य सृजक छी, हमरा
एना नै दुत्कारि दिअ
अहींक भला लेल साँच लिखै छी
हे जनता स्वीकारि लिअ
उमर दुगुन्ना होइ छै जखने
जनमै घरमे पूत
हँसी खुशी केर मोटरी द क'
पठबथि इश्वर दूत
कोई टिप्पणी नहीं:
एक टिप्पणी भेजें