5.25 घोघो रानी कतेक पानी
घोघो रानी कतेक पानी ?
बात एगो तूँ बतबें नानी
नभमे कते तरेगण लटकल ?
राति इजोरिया किए छिटकल ?
कते इजोतक मोटरी बान्हने
सूरज भरि दिन किए भटकल ?
मेघ कत'सँ आनै पानी ?
घोघो रानी कतेक पानी ?
तितली किए फूलपर लुधकल ?
मूसा किए बिलमे सुटकल ?
देख दलानपर नव लोककेँ
किए सभटा कुत्ता हुलकल ?
गाइ केर भोजन सानी ?
घोघो रानी कतेक पानी ?
किए लत्ती सगरो लतरल ?
धरती छै कत' धरि पसरल ?
तिनबटिया चौबटियासँ जुड़ि
कारी सड़क कत' धरि चतरल ?
किए हवा करै मनमानी
घोघो रानी कतेक पानी ?
कोई टिप्पणी नहीं:
एक टिप्पणी भेजें