#कहमुकरी
1
सदिखन हमर चिन्ता करय
हमरा खातिर हमरेसँ लड़य
कहय देहपर चढ़बू माँउस
के सखि साजन ?
ने सखि साउस |
2
सब सप्ताहे गामे आबथि
गाल रगड़ि क' लाले करथि
प्रेम करै छन्हि हुनका गौंआ
के सखि साजन ?
ने सखि नौआ ।
अझुका #कहमुकरी
रहथि गरम त' नीक लागै छथि
ठंढामे बड़ इयादि आबै छथि
ठोर सटथि त' मन कहय वाह
के सखि साजन ?
ने सखि चाह |
#कहमुकरी
हमरे निज संसार बुझै छथि
हमरा गारा केर हार बुझै छथि
लागय जेना हमरामे लस्सा
के सखि साजन ?
नै सखि, बच्चा ?
कोई टिप्पणी नहीं:
एक टिप्पणी भेजें