ज्ञानी बनलाह मूसा भैया
दतमनि कऽ अगिला दाँत चमकेलक
भरि-भरि बाल्टी पानि उझललक
मोझ पिजा आ जुल्फी सम्हारि
मूसा भैया भरिगर बस्ता लादलक
झटकि-मटकि जे डेग उठेलक
उड़कि-गुड़कि कते बेर ओंघरेलक
कूदि-कूदि दौड़ल नाँङरि झाड़ि
धड़फड़-धड़फड़ मुदा समय बचेलक
रगड़ि-झगड़ि अगिला सीट पकड़लक
गलत-सलत जबाब दऽ खूब हँसेलक
घोड़ी मैडम कहलनि चमेटा मारि
सीखत वएह जे पोथी घोरि पीलक
दोस्त-महिम खूब उल्लू बनेलक
पी जो पोथी, खूब खिसियेलक
हमहूँ बनब ज्ञानी, ई सोचि-विचारि
फाड़ि पोथी पानि संग खा लेलक
अमित मिश्र
कोई टिप्पणी नहीं:
एक टिप्पणी भेजें